التونسيون/ فيسبوك/كتب محسن مرزوق/

“يا جماعة، بالله نقراو مليح. تحديد تاريخ لرفع الحجر التدريجي ماهوش معناها رفع الحضر اليوم. اليوم الحكومة باش تمدد الحضر والمفروض في نفس الوقت تقول وقتاش بعد التمديد نبدا في رفع الحضر تدريجيا.

يظهرلي واضح والا لا؟.

فرنسا مثلا قالت نهار 11 ماي نبداو بالشوية بالشوية نرفعوا الحضر. وفرنسا حياتها الكل قائمة علي النقل العمومي . ومترو باريس وقت الذروة اكثر من الكيران عندنا. وفرنسا عدد الاصابات فيها 165 الف والموتى 17 ألف

وكيف فرنسا برشة دول حددت تاريخ رفع الحضر التدريجي، التدريجي، التدريجي، معناها موش كل الناس فرد وقت وبالعامية بالشوية بالشوية
حتى إيطاليا التي خلات هي زادة ضبطت تاريخ الخروج التدريجي، موش اليوم بعد مدة اما يعرفوه علاش؟ باش يحضروا رواحهم وما تصيرش فوضى

المطلوب انه في تونس زادة يكون فمة وضوح موش حتى آخر لحظة ما نعرفوش اش باش يصير. اليوم يخرجوا يقولوا مددنا كذا ايام في الحجر وباش يبدا الخروج التدريجي بعد كذا وقت الخ كيف العالم الكل”